• Chanterai por mon couraige (1189)

    Image associée

     

    Au temps des croisades en 1189

    The Early music Consort of London, David Munrow dir. (1970)

    soprano Christina Clarke
    flute, David Munrow
    lute, James Tyler
    bass rebec, Oliver Brookes
    harp, Christopher Hogwood

    Chanterai por mon corage
    Que je vueill reconforter,
    Car avec mon grant damage
    Ne quier morir n'afoler,
    Quant de la terre sauvage
    Ne voi nului retorner
    Ou cil est qui m'assoage
    Le cuer, quant j'en oi parler.
    Dex, quant crieront Outree,
    Sire, aidiés au pelerin
    Por cui sui espoentee,
    Car felon sunt Sarrazin.
    Soferrai en tel estage
    Tant quel voie rapasser.
    Il est en pelerinage,
    Dont Dex le lait retorner !
    Et maugré tot mon lignage
    Ne quier ochoison trover
    D'autre face mariage ;
    Folz est qui j'en oi parler !
    Dex, quant crieront Outree,
    Sire, aidiés au pelerin
    Por cui sui espoentee,
    Car felon sunt Sarrazin.
    De ce sui au cuer dolente
    Que cil n'est en Biauvoisis
    Qui si sovent me tormente :
    Or n'en ai ne gieu ne ris.
    S'il est biaus, et je sui gente.
    Sire, Dex, por quel feïs ?
    Quant l'uns a l'autre atalente,
    Por coi nos as departis ?
    Dex, quant crieront Outree,
    Sire, aidiés au pelerin
    Por cui sui espoentee,
    Car felon sunt Sarrazin.
    De ce sui en bone atente
    Que je son homage pris,
    Et quant la douce ore vente
    Que vient de cel douz païs
    Ou cil est qui m'atalente,
    Volontiers i tor mon vis :
    Adont m'est vis que jel sente
    Par desoz mon mantel gris.
    Dex, quant crieront Outree,
    Sire, aidiés au pelerin
    Por cui sui espoentee,
    Car felon sunt Sarrazin.
    De ce sui mout decüe
    Que ne fui au convoier ;
    Sa chemise qu'ot vestue
    M'envoia por embracier :
    La nuit, quant s'amor m'argue,
    La met delez moi couchier
    Mout estroit a ma char nue
    Por mes malz assoagier
    Dex, quant crieront Outree,
    Sire, aidiés au pelerin
    Por cui sui espoentee,
    Car felon sunt Sarrazin.

    Résultat de recherche d'images pour "croisade 1189"

    IIIème croisade 1189

    Image associée

    Le 24 juin 1190, le roi Philippe Auguste prend l’oriflamme dans la basilique de Saint-Denis avant son départ pour la troisième croisade - Tableau de Pierre-Henri Révoil (1776-1842), château de Versailles

     

     

     

     

    « Le soldat mécontent du XVIIIème siècleLa parisiennne chanson de 1815 »

  • Commentaires

    Aucun commentaire pour le moment

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :